بریارە د ئەڤ سالەدا چوار زانكۆ دێ بهێنە ڤەكرن
د رۆژا بیرهاتا كارەساتا ئەنفالاندا ،بەرێ بنیاتی بۆ زانكویا گەرمیان ل قەزا كەلار دێ هێتە دانان و بریارە بەرێ بنیاتی بو زانكویێن زاخۆ و رانیێ ژی بهێتە دانان.
جەلال شێخ مستەفا،قایمقامێ قەزا كەلار راگەهاند"سەرۆكێ ئەنجومەنێ وەزیران ئەم ئاگەهداركرینە كو دێ بەرێ بنیاتی بو زانكویا گەرمیان ل سەنتەرێ قەزا كەلار هێتە دانان و گوت"ب هەلكەفتا كارەساتا ئەنفالان ل رۆژا 14-4 دێ رێ و رەسم برێڤەچیت و قوتابیێن هەر چوار قەزایێن(كەلار،چەمچەمال،كفری،خانەقین)دێ مفای ژ ڤێ زانكویێ بینن كو دێ ل سەنتەرێ قەزایێ هێتە دانان و نوكە كولێژێن پەروەردە و پەروەردا بنیات ل ڤێ قەزایێ هەنە كو پتری 4 هزار قوتابیان لێ دخوینن".
ئەڤەو بریارە د ئەڤ سالەدا بەرێ بنیاتی بو زانكویێن زاخۆ و رانیێ َژی بهێنە دانان كو ل سەر بودجەیێ وەزارەتا خواندنا بلند یێ 2010ێ پارەیێ پیدڤی بو هاتیە دابینكرن.
ليست هناك تعليقات:
إرسال تعليق