چاپكرنا پلێتێن كهل و پهلێن خوارنێ یێن نوو گیروبووینه و ههرێما كوردستانێ بهغدا گونههبار دكهت و بهغداژی دبێژیت"یێن دهۆك و سلێمانیێ تمام بووینه و ب تنێ یێن ههولێرێ ماینه و ههتا ههموو تمتم نهبن ناهنێرین".
حسێن سهبری عهبدولخالق ،رێڤبهرێ رێكخستنا كهل و پهلێن خورانێ ل پارێزگهها دهوكی كو رێكخهرێ وهزارهتا بازرگانیا ههرێمێ یه ژی دگهل بهغدا راگههاند كو وهزارهتا بازرگانیا بهغدا ب ئهنقهست پلێتێن كهل و پهلێن خوارنێ یێن نوو گیركرینه و گوت"پێدڤی بوو ل دهسپێكا مهها ئێك یا ئهڤ ساله گههشتبان،لێ ژبهر چهند ئهگهران كو ئێك ژ وان پرسا ههلبژارتنان بوو وانا گیروكرینه و تا نوكه ههرسێ پارێزگهه چاڤهرێ بهغدا دكهن".
حسێن سهبری ئهوژی دیاركر كو ل دووف دوماهیك پهیوهندیا مه دگهل وهزارهتا بازرگانیا بهغدا وانا بو مه دیاركریه كو پلێتێن پارێزگههێن سلێمانی و دهۆكێ ژ چاپكرنێ تمام بووینه،لێ یێن ههولێرێ هێشتا ماینه و ههتا ئهوژی تمام نهبن ئهو یێن ههردوو پارێزگههێن دیژی ناهنێرن و گوت"ئهڤهژی پاساوهكا نه دجهی َخودایه".
پلێتێن ئهڤ ساله دهێنه دابهشكرن(ئێك پلێت بو دوو سالانه )ئانكو بو سالا 2010 و 2011ێ و ل پارێزگهها دهۆكێ 170 هزار سهرۆك خێزان ههنه و ناڤهاتی گوت"مه داخوازكریه 10%ێ ژ پلێتان وهك یهدهك دگهلدا بو مه بهێنرن و واناژی سوزدایه كو ڤێ داخوازیێ بجه بینن".
ليست هناك تعليقات:
إرسال تعليق