چار ئافره‌تێن هه‌ژار یێن ژیێ وان د ناڤبه‌را 50 تا 60 سالیێ رۆژانه د ناڤبه‌را زاخۆ و ده‌ڤه‌را به‌رواریا و ب دریژاهیا 200 كلم هاتن و چونێ دكه‌ن و چه‌ندین كلم ب پیان ل دۆل و نهال و چیایان هاتن و چونێ دكه‌ن ژ پێخه‌مه‌ت ب ده‌ستڤه‌ئینانا گل و گیایێ بهارێ كو ب كوژمه‌كێ زۆرێ كێم ل بازاری دهێته فرۆتن لێ ژبه‌ر هه‌ژاری و كێم ده‌رامه‌تیا خۆ نه‌چارن ڤی كارێ سه‌خت و دژوار بكه‌ن. نازێ ئافره‌ته‌كا 60سالی یه ل دۆر كارێ خۆ گوت: ئه‌ز ل زاخۆ ئاكنجی مه هه‌ر ل ده‌ستپێكا وه‌رزێ بهارێ ژ هه‌ژاریا خۆ بڤی كاری رادبم، مه ترۆمبیله‌ك بۆ خۆ بكرێ گرتیه هه‌ر ئێك ژمه 8 هزار دیناران د ده‌تێ، سێ ده‌مژمێر ب هاتن و چونێ ڤه دچن ژ زاخۆ بو ده‌ڤه‌را به‌رواریا، ل ده‌ستپێكێ ل ده‌ور و به‌رێن جادان گیایێ بهارێ كوم دكه‌ین و هنده‌ك جاران ژی ب درێژاهیا 4-5كلم رێكێ ب بیان دبرین ژبو بده‌ست ڤه ئینانا گل و گیایه‌كێ زور تر، هنده‌ك جاران 5 تا 10هزار دیناران دگه‌هنه مه و هنده‌ك جاران ژی ئه‌م كریا ترۆمبیلێ ژ كیستێ خو د ده‌ین، ژ به‌ركو مه چ ژێده‌رێن دیێن ژیانێ نینن ئه‌م ڤێ كاری دزانین بكه‌ین.
زولفێ ئافره‌ته‌كا دی یا په‌یت و چه‌له‌نگه ژ تاخێ تلكه‌به‌ری گوت: ئه‌ز خودانا 10 زارۆیا مه و زه‌لامێ من كرێكاره ژ ده‌رحه‌قی ژیارا مه ده‌رناكه‌ڤیت و ئه‌زیا نه‌چارم هاریكاریا زه‌لامێ خو بكه‌م ئه‌ڤه ژ سالا 1992وه‌ره ئه‌ز ڤی كاری دكه‌م و ل بهارا خرڤه‌كرنا گل و گیایێ و ل هاڤینا چنینا خوخا ل گوندین ده‌ڤه‌را گولیا و ل وه‌رزێ پائیزێ ژی گوهیشك و به‌ریان كوم دكه‌م و ل بازارێ زاخو دفروشم.
زینب ئافره‌ته‌ك دی بو گوت زه‌لامێ من یێ دان عه‌مره، ئه‌ڤ كاره یێ بره‌نج و مادیبونه و دیسان یێ ب مه‌ترسی یه ژبه‌ر ئه‌گه‌را مین و ته‌قه‌مه‌نیا چونكو چیایێن كوردستانێ هه‌موو جهێن سه‌ربازی بوون و ئه‌م سه‌ره‌ده‌ریێ دگه‌ل هه‌موو جهان دكه‌ین، ئه‌گه‌ر مه‌ژی داهاتیه‌ك هه‌با مادا چاوان ڤی كاری كه‌ین، ئه‌م گیایێ خوارنێ وه‌ك تولك،گیرسك، گه‌نگر ژ چیای كوم دكه‌ین پشتێ ئه‌م دچینه مال هه‌میێ پاقژدكه‌ین و سپێدی زوو دبه‌ینه بازاری هنده‌ك جاران دسه‌ر ڤێ ماندیبونا مه كێشای به‌قال ژی ته‌شقه‌لا ل مه دكه‌ن، هندێ من ئه‌ڤ كاره كری چ جاران رۆژا من نه‌گه‌هه‌شته 15 هزار دیناران.
ليست هناك تعليقات:
إرسال تعليق