* نۆری بریمۆ : به‌رپرسیارێ میدیای پارتی دیمۆقراتی كورد ل سووریێه-الپارتی) – ل كوردستانا باشور.
** رۆژناما ئاسۆ –(هه‌رێما كوردستانا عیراق – سولێمانیێ) .
1 - ره‌وشا داویێ یا پارتیا وه - پارتیا دیمۆكراتی كورد ل سوریێ (ه‌لپارتی) – چیه؟ و سه‌ده‌ما په‌رچه‌بوونا داوی كو ژ هه‌لێ ئابدورهمان ئالۆجی ڤه هاته كرن چبوو..؟.
= ب راستی – بێ په‌سن – مرۆڤ دكارە بێژه كو د ڤان چه‌ند سالێن داویێ ده و ب تایبه‌تی د سالا بۆری ده..., پارتیا مه ب هه‌ر شی‌وه‌یه‌كی سه‌رێ خوه هلدایی و به‌رڤه‌په‌شڤه دچه…, ژ بر كوو مه كاری بوو بێتری یه‌كبوونه‌كێ د هوندر ڤا سالێ ده ب ده‌ستخستا…, بۆ نموونه: ژ به‌ری كۆنگرا مه یا (10) ئان…, چار ره‌فێن ژ هه‌ڤالێن كو ژ به‌ری نها ب چه‌ند سالان ده جودا بووبوون ل خوه ڤه‌گه‌ریان و ته‌كرا ته‌ڤله پارتیا خوه بوون…, و هه‌ڤالێن ب ئالۆج ره ژی گرۆپه‌كی ژ وان بوون.
2 - وه‌ك كو ل مالپه‌ر و راگهاندنێن ئەلپارتی ده هاتبوو وه‌شاندن كو به‌رێز ئابدولرهمان ئالۆجی ب ڤه‌گه‌را خوه بۆ ناڤ ئەلپارتی رووپه‌لكه نوو و ڤه‌ژنه‌ك چێكر , لێ پشتی ته‌ڤلێبوونا كۆنگرێ و پۆستێ سه‌روه‌ری ب ده‌ستخست جاره‌كه دن ڤه‌قه‌تیا و جدابوونا خوه ل گه‌ل كۆمه‌له‌ك كادر و به‌رپرس راگه‌هاند ئەڤ چاوایه…؟.
= مامۆسته ئالۆجی…؟!, پارتیا مه په‌رچه نه‌كر و تو جاران ژی نكاره په‌رچه بكه…!؟, ته‌نێ وی كانیبوو پلانه‌كه كه‌سایه‌تیێ ژ بۆ به‌رژه‌وه‌ندیا خوه د كۆنگرده بسه‌رخستا…؟!!, ئەو پلانا ژی وه‌رگرتنا سه‌روه‌ریێ ژ بۆ وی بوو…, دا كوو پشتی ڤه‌كشاندنا خوه كاربه پارتیه‌كی نوو ژ بۆ خوه ئاڤا بكه…؟!, لێ مخابن وی به‌رڤێ تڤنگێ به‌رڤه خوه كر…, و هه‌سابێ سووكێ و به‌ریكا وی جامێری ل هه‌ڤ نه هات…؟!, چوونكێ ئەگه‌ر ئالۆجی ب سه‌د هه‌ڤاله‌كی ته‌ڤله مه بوو …, ئەوی نكاری بوو ب نیڤی وان هه‌ڤالان ژ ناڤ پارتیا مه ڤه‌كشیا…؟!!, ئەڤا ژی راستیه‌كه كوو تو كه‌س نكاره بێژه نه وه‌یه…, پڕانیا هه‌ڤالێن ژ كه‌ڤنده ب ئالۆج ره نها د ناڤ رێخستنێن پارتیا مه ده كار و شالاكیێن خوه بێ دو دلی به‌رده‌وا دكن و گوهێ خوه نه‌دان لیستكێن برێز ئالۆجی…؟!!.
3 - ژ بۆ چ پشتی كو به‌رپرسه‌كی ناڤدار ژ ناڤ هه‌ر پارتیه‌كی رۆژاڤایی كوردستان جدا دبه یان ئیستفا دكه خوه‌دیێن ره‌خستن یه‌كسه‌ر ب كه‌سه‌كی خه‌راپ و پیلانگه‌ر دژمێرن؟!.
= رامان و شێوه‌یێن دیمۆقراتیه و چاندا تێكه‌لیێن سڤیل د ناڤ پارتیێن مه ده, د ئاسته‌كی نزم دانه…, لۆما ئەم نكارن بزاڤا خوه ژ پڕ نه‌خواشیێن خه‌راپ رزگار بكن یان ژی بپارێزن…, ڤه‌جا ژ به‌ر ڤا یه‌كێ گه‌له‌ك كریزا په‌یدا دبن و گه‌له‌ك كادرۆیێن پاقژ تێكدچن.
4 - باشه مامۆسته جه‌وازیا كو د ناڤبه‌ره جدابونا وه ژ یه‌كتیێ و یا به‌رێز ئالۆجی جیه؟ ئایه ون پشتگریێ ل پربوونا ژماره پرتیان دكن یان چاوه؟.
= وه‌كه تێ زانین كوو ئەم ژی هێزه‌ك بوون, ژ وان هه‌ڤالێن كو د سلال بۆری ده - ژ به‌ر سه‌ده‌م و ناكۆكین نه‌توی و نشتمانی ژ پارتیا (ه‌ل وه‌هدێ) جودا بوون - و ڤه‌گه‌رین ئەل-پارتی…, و هینگا مه خوه‌ست كوو هه‌ر كه‌سه‌ك بیر و باوه‌ریا مه بزانبه…, لۆما ژی مه گۆت: ئەم خه‌باتا ژ بۆ دۆزا كوردی ب خه‌باتا ئەل-پارتی ڤه گرێددن…, و هه‌ر وسا ئەم دخوازن نها ژی بێژن: گاڤا ئەم ژ یه‌كیتی (پیدكس) جودا بوو ئەم برچیێ به‌رژه‌وه‌ندیێن كوردستانێ بوون…, ئەم نه برچیێ سه‌روه‌ری و نشانێن سه‌ر ملان بوون…, لۆما مه دیت كوو ئەمێ كاربن رۆلا خوه د ناڤ (الپارتی) دا باشتری ئاڤاكرنا ژماره‌كه نوو ب لزین…, ڤه‌جا جێوازی د ناڤبه‌ره مه و ئالۆجی ده چیه…؟, وین دكارن ژ ئالۆجی بپرسن…, ب هه‌رهالی هه‌ستا مه یه‌كیتیا ته‌ڤگه‌را مه یه…, و وه‌كه ته خویان كوو یا وی خه‌باتكاری ژی: ئەزه‌زیتی یه… و هه‌و…؟!!.
5 - ژ بۆ چ تا نها ته‌ڤگه‌را كوردی ل رۆژاڤایێ كوردستان یه‌كنه‌گرتیه و هه‌رده‌م تۆشی له‌تبوون و په‌رچه‌بوون دبه….؟!
= ژ به‌ر كوو پڕانیا پارتیێن كوو ژ پارتیا 1957 ئان - یا ماك- قه‌تیا نه..., ل گۆری سه‌ده‌م و ناكۆكیێن كه‌شایه‌تی و ئەزه‌زی جودا بوونه…, و ب سه‌ر كول و ده‌ردان دا ژی, وین دبینن چاوا گرۆپێن نوو (یێن نتێرنێتی) وه‌كه كوڤاركا - ژ نشكا و نه‌دیڤا و رۆژ ب رۆژ - ب سه‌ر زه‌مین دكه‌ڤن و بێ بنگه‌هێن رێكخستنی و جه‌ماوه‌ری, تێنه دامه‌زراندن…, لۆما ژی ل هه‌ڤكرن و یه‌كبوونا وان گه‌له‌ك بزه‌همه‌تیه …؟!, ڤێجا ب نێرینا من به: زۆر گرینگه كوو پارتیێن مه یێن سه‌ره‌كه د زووترین كات ده ل هه‌ڤ بكن و پڕ گوهێن خوه نه‌دن به‌رازیتێن (مۆشاخه‌بات) كوو ژ ڤردا-وێدا ده‌ردكه‌ڤن هۆله…, دا كوو كاربن نوونه‌رتیه‌كا نه‌ته‌وی كوردی ل رۆژاڤایێ كوردستانێ ئاڤا بكن ل سه‌ر ریا چاره‌سه‌ركرنا دۆزا مه یا داده‌مه‌ند و ره‌وا.
6 - چاره‌سه‌ریا دۆزا كورد ل رۆژاڤای كوردستان ده ژ ده‌رڤا ده دبه یان ل شامێ ده دبێ ؟
= راستیا كوو مرۆڤ دكاره د ڤا ده‌رهه‌قی ده بێژه وه كو: تو جاری تو پرسگرێك ناڤخۆیی چاره‌سه‌ر نابن هه‌یانی كو گوهارتنێن گه‌وره و ب راستینی ل سووریێ نه‌بن…, یانێ ئەگه‌ر هێزێن عوپازسیۆنا ده‌مۆقراتی – چ ل هوندر و چ ژی ل ده‌رڤایی وه‌لات - د گه‌ل ئالكاریا هه‌مۆ پشتگرێن مافێن مرۆڤ و مله‌تان ..., خوه نه‌دن سه‌ر هه‌ڤ و ل ده‌ردۆرا رژیما به‌ه‌س نه‌هێورن و دۆرپێچ نه‌كن, و رژیمه‌كه دیمۆقراتی بده‌ستنه‌خن تو ماف نایێن وه‌رگرتن..., ب تایبه‌تی دۆزا كوردی یا نشتمانی و نه‌ته‌وی, تو جاران سه‌رێ خوه نابینێ....,جوونكێ دۆزا مه ب گوهارتنێن سووریێ ڤه گرێداییی یه …, ب كورتی ئەگه‌ر سیسته‌ما به‌ه‌س نه‌یێ رووخاندن تو جاری رۆژا ئازادیا گه‌لان ل سووریێ بلند نابه.
7 - ون ب چاره‌سه‌ریه‌كه وه‌ك ئیراق ل سووریێ رازنه یان چاوه دخوازن….؟
= كورد مله‌ته‌كی ئاشیتیخوازن..., نه شه‌رخوازن..., لۆما داخوازا پاتری و ته‌ڤگه‌را مه یا سیاسی ئەوه كوو گوهارتنه‌كه ده‌مۆقراسی ( بێ خوین رژاندن ) ل سووریێ بقه‌ومه و د ناڤا وا چارچه‌وا ئاشیتیێ ده دۆزا كوردی ژی بسره‌كڤه…, لێ گاڤا رۆژیما به‌ه‌س ده‌رگه‌هێن دان و ستاندنێ ل پێش مه بگره (قاپات بكه) و خوه بده سێمه‌رێ (سه‌رهشكیێ) وه‌كه چاوا سه‌دام ل ئیراقێ كری…, ئەم ژی مه‌جبوورن هینگا - وه‌كه نه‌ته‌وه‌كه بنده‌ست - بێژن: شه‌ره‌كی وه‌ره به‌ر ده‌ری ل سه‌ر سه‌ری...؟!, مخابن خویایه سیناریۆ یا ئیراقێ یا خوینی ل سووریێ ژی ل به‌ر چاڤا یه...؟!.
8 - ره‌وشا ب ئەره‌بكرنا دێركێ چاوا دبینن و چاوا چاره‌سه‌ر دبه؟, ئایه پارتیا ئەلپارتی ب تایبه‌ت و بزاڤا كوردی رۆژاڤا ب گشتی تا نها چ كرنه ژ بۆ دۆزا نه‌ته‌وه‌یی و ب تایبه‌ت ئەڤ ب ئەره‌بكرنا دێركێ چ گاڤه‌كه پراتیكی بوویه؟.
= به‌ریارا كوو ل ڤا داویێ رژیمێ ب ئەره‌بكرنا دێریكێ ده‌رخستی..., هه‌یا رۆژا ئیرۆ پرۆژه‌كه بنجلی یه (سوڕی)..., یانێ ده‌رباسی وارێ پراكتیكی نه بوو یه..., ژ به‌ر كوو بزاڤ و مله‌تێ مه یه‌كسه‌ر و ب یه‌ك ده‌نگی پرۆتستۆ كرن و ل ته‌رسی وا پرۆژه‌یا شۆڤینی گه‌له‌ك چالاكی كردن..., لۆما به‌ه‌سیان نكارین ڤا جارێ ئەردێن كوردا ژێ بستاندانا و بدانا ئەره‌با..., ژ هێله‌كه دی ڤا ژی دخوازم بێژم ; ده‌م هاتیه گوهارتن و كورد ژی هاتنه گوهارتن و هه‌ر وسا رژیما سووریێ ژی نه ب هێزا خوه یا به‌رێ یه..., لێ ب راستی چ ژ ده‌ستێ مه وه‌رێ ده‌ر ئەمێ بكن گاڤا تشته‌كی وسا شۆڤینی ل رۆژاڤایی كوردستانێ بقه‌ومه.
ليست هناك تعليقات:
إرسال تعليق